Loading...
O’zbekcha Русский O’zb Рус

Шавкат Мирзиёевнинг Халқаро хотин-қизлар кунига бағишланган тантанали маросимдаги нутқидан (https://president.uz/uz/lists/view/7076):


Улашинг :



➖ Мамлакатимизда аёллар тадбиркорлигини янги босқичга кўтариш, уларнинг бандлигига кўмаклашиш мақсадида, Сенат раиси Т.Норбоева бошчилигида махсус комиссия ташкил этилади. Ушбу комиссия келгуси йил 8 мартга қадар ҳар бир ҳудудда “фавқулодда ҳолат” режимида ишлайди;

➖ 1 ой муддатда хотин-қизларни тадбиркорликка кенг жалб қилиш бўйича алоҳида дастур қабул қилиниб, лойиҳаларни амалга ошириш учун 15 трлн сўм, жумладан, оилавий тадбиркорлик лойиҳаларига 6 трлн сўм ажратилади. Бундан ташқари, элчилар аёллар тадбиркорлигини ривожлантириш учун 100 млн долларлик грантларни жалб қилади;

➖ Мураккаб жарроҳлик операцияси ўтказишга муҳтож 2 минг нафар хотин-қиз давлат бюджети ва халқаро молия институтлари маблағлари ҳисобидан даволанади;

➖ 1 млн нафар ҳомиладор аёл ҳамда 1,5 млн нафар эмизикли она йод препарати, қарийб 6 млн нафар репродуктив ёшдаги аёллар темир ва фолий кислотаси билан бепул таъминланади;

➖ Оғир ижтимоий вазиятга тушиб қолган 4 минг нафар хотин-қизларга уй-жой ажратилади. Шу тоифадаги 3 минг нафар аёл учун мураккаб тиббий операциялар бепул ўтказилади;

➖ “Қизлар академияси” платформаси яратилиб, 100 минг нафар опа-сингилларимизга молиявий, ҳуқуқий, психологик, репродуктив билим бериш йўлга қўйилади.

Telegram (https://t.me/segmentuz) | Instagram (https://www.instagram.com/segment.uz/) | Facebook (https://www.facebook.com/segment.uz)



Сарлавха :
Стратегия ва давлат дастурлари

12 03 2024 / 11:55