Ўзбекистон Республикаси Президентининг 2025 йил 3
ноябрдаги ПҚ–328-сонли қарори билан олий таълим муассасалари битирувчиларини
ишга жойлаштиришни қўллаб-қувватлаш бўйича янги тизим жорий этилди.
Энди олий таълим ташкилотлари битирувчиларини ишга
қабул қилган тадбиркорлар 7 йил муддатга, 2 йиллик имтиёзли давр билан 5
миллиард сўмгача имтиёзли кредитлар олиш имкониятига эга бўлади.
Имтиёзли
кредитлар шартлари:
Кредитлар Марказий банкнинг асосий ставкасига 4
фоизлик пункт қўшилган ставкада берилади;
Ҳар бир 1 миллиард сўм кредит учун камида 1 нафар
битирувчи ишга қабул қилиниши талаб этилади;
Кредит ишлаб чиқариш ва хизмат кўрсатиш соҳаларидаги
лойиҳаларга ажратилади;
Агар ишга олинган битирувчи икки йил ичида ишдан
бўшаса, кредит фоизи тижорат ставкасига ўзгартирилади (бир ой ичида бошқа
битирувчи ишга олинса, имтиёз сақланади).
Амалиёт ва
стартап лойиҳаларни қўллаб-қувватлаш:
Олий таълим муассасаси, иш берувчи ва талаба ўртасида
уч томонлама шартнома тузилади;
Ҳар ойда талабага базавий ҳисоблаш миқдорининг 10
бараваригача тўлов амалга оширилади;
Зарур ҳолларда чет элдаги қисқа курсларда иштирок
учун БҲМнинг 50 бараваригача маблағ ажратилади;
Энг яхши стартап ва инновацион лойиҳалар ғолибларига
1 миллиард сўмгача грант берилади.
Шарт: ғолиб тадбиркор камида 2 нафар битирувчини ишга
олиши лозим (https://t.me/bankxabar/8026).
Президент
қарорига кўра, 30 минг нафар битирувчининг бандлигини таъминлаш вазифаси
қуйидаги банклар зиммасига юклатилди:
Ўзмиллийбанк – 6 000 нафар битирувчи;
Ўзсаноатқурилишбанк – 3 600 нафар битирувчи;
Асакабанк – 3 600 нафар битирувчи;
Халқ банки – 3 600 нафар битирувчи;
Микрокредитбанк – 3 600 нафар битирувчи;
Агробанк – 3 600 нафар битирувчи;
Туронбанк – 3 000 нафар битирувчи;
Бизнесни ривожлантириш банки – 3 000 нафар битирувчи.
Умумий ҳисобда, мазкур дастур орқали 100 миллион АҚШ
доллари миқдоридаги ресурс ажратилиб, 30 000 нафар ёш битирувчи иш билан
таъминланиши кўзда тутилган.
https://t.me/bankxabar
Сарлавха :
Иқтисодиёт
05 11 2025 / 14:57