Loading...
O’zbekcha Русский O’zb Рус

Маҳаллаларда тадбиркорликни бошлаш учун 50 млн сўмгача гаровсиз маблағ ажратилади



Улашинг :


Оилавий тадбиркорликни ривожлантириш дастурлари доирасида маҳаллалар кесимида бир қатор йўналишларга гаров таъминотисиз ажратиладиган кредитлар лимити оширилди, шунингдек кредит ҳисобига товар ва хизматларни олдиндан етказиб бериш талаби бекор қилинди.

Дастур доирасида:

· маҳаллаларда тадбиркорлик фаолиятини йўлга қўйиш истагида бўлган фуқароларга (ўзини ўзи банд қилган шахсларга) гаровсиз кредитлар миқдори 50 млн сўмгача оширилади;

· чорвачиликка ихтисослашган маҳаллаларда импорт қилинган ва сертификатланган наслли чорва моллари хариди ҳамда туячилик учун кредит миқдори 100 млн сўмгача оширилади;

· туризм салоҳияти юқори бўлган маҳаллаларда уй меҳмонхоналарини ташкил қилиш, шунингдек ихтисослашуви 50 фоиздан юқори маҳаллаларда маҳсулотларни сақлаш ва қайта ишлаш учун минитехнологиялар сотиб олишга 150 млн сўмгача гаровсиз кредит ажратилади;

· ажратиладиган кредитлар ҳисобига товар ва хизматларни олдиндан етказиб бериш талаби бекор қилинади.

Шунингдек, 2026 йил 1 мартдан тижорат банклари томонидан амалга оширилаётган “маҳалла лойиҳаси” дастури доирасида маҳаллалар ихтисослашувини чуқурлаштириш бўйича ажратиладиган кредитлар фоиз ставкасининг бир қисмига қуйидагича компенсация тақдим этилади:

· маҳсулот етиштиришга қаратилган лойиҳалар бўйича — фоиз ставкасининг 4 фоизлик пункти;

· қўшимча қиймат яратадиган қайта ишлаш лойиҳалари бўйича — фоиз ставкасининг 6 фоизлик пункти.

О.Матназаров, кун.уз


Сарлавха :
Иқтисодиёт

11 02 2026 / 12:04