Loading...
O’zbekcha Русский O’zb Рус

ХОТИН-ҚИЗЛАРНИ ҚЎЛЛАБ-ҚУВВАТЛАШ КЎЛАМИ КЕНГАЙДИ



Улашинг :


Вазирлар Маҳкамасининг 12.05.2026 йилдаги 239-сон қарори билан "Аёллар дафтари"га киритилган хотин-қизларни қўллаб-қувватлаш жамғармаси тўғрисидаги низомга (31.03.2022 йил 145-сон ВМҚ билан тасдиқланган) ўзгартириш ва қўшимчалар киритилди.

Хусусан, бошқа ижтимоий ёрдам турларига қўшимча равишда қуйидагилар жорий қилинди:

• Хотин-қизларнинг руҳий ҳолатини яхшилаш тарзидаги ижтимоий ёрдамни кўрсатиш паспорти.

Ёрдам миқдори (4-тоифага киритилган хотин-қизларга):

· 10-30 нафар хотин-қизлар гуруҳига 7 кунлик сеанс учун – вилоят марказлари, Нукус ва Тошкент шаҳрида БҲМнинг 5 бараваригача, туман (шаҳар)ларда БҲМнинг 3 бараваригача.

· Ёрдам бир йилда бир марта кўрсатилади.

· Ёрдам олиш учун ҳужжатлар талаб этилмайди;

• Хотин-қизларга ҳуқуқий маслаҳатлар ва ёрдам бериш тарзидаги ижтимоий ёрдамни кўрсатиш паспорти.

Ёрдам миқдори (5-тоифага киритилган хотин-қизларга):

– 10-30 нафар хотин-қизлар гуруҳига ҳуқуқий саводхонликни ошириш, тегишли ҳуқуқий муаммолари бўйича тушунтириш бериш юзасидан бир марталик семинар учун – вилоят марказлари, Нукус ва Тошкент шаҳрида БҲМнинг 1 бараваригача, туман (шаҳар)ларда БҲМнинг 50 фоизигача;

– туғилганлик ҳақида гувоҳнома ёки ID-карта (биометрик паспорт)ни олиш учун – давлат божи тўлиқ миқдорида;

–судга даъво аризаси киритиш учун – давлат божи тўлиқ миқдорида.

Ёрдам бир марта кўрсатилади.

Ёрдам олиш учун, тегишлича, қуйидаги ҳужжатлар тақдим қилинади:

· малакали ҳуқуқшунос ёки адвокат билан туман (шаҳар) ҳокимлиги ўртасида тузилган шартнома;

· "маҳалла еттилиги" тавсияномаси ва туғилганлик ҳақида гувоҳнома ёки ID-карта (биометрик паспорт) олиш учун зарур бўлган ҳужжатлар;

· "маҳалла еттилиги" тавсияномаси ва billing.sud.uz платформасидан инвойс реквизитлари.

Ҳужжат Қонун ҳужжатлари маълумотлари миллий базасида эълон қилинган ва 13.05.2026 йилдан кучга кирди.

Кун.уз, С.Жумашов

Батафсил: https://www.norma.uz/uz/qonunchilikda_yangi/hotin-qizlarni_qullab-quvvatlash_kulami_kengaydi


Сарлавха :
Иқтисодиёт

08 06 2026 / 10:29